كتب الشيخ محمود سالم ثابت ابوالسعيد رسالة أعتذار بالأكراه من بدوي بالنيابةعن منتسبي السلطة المدنيين والعسكريين .

0
298

لا صار الخاطر معدود ، العدل مفقود .

اللي ما بيعرفك ياطويل العمر بيجهلك ،وزي ما قالوا جليس الشيخ شيخ ،ومادمت من عظام الرقبة ،أحنا والله غلطانيين والغلط راكبنا من ساسنا لراسنا،ولك الحق تقيس وتفصل في غزه زي ماتريد ، والهرج اللي وصلك منا وسمعته زي ما بيقولوا ظراط أفم لكن حقك نتحمل القالة وانشيل الثقالة ونقعد محنيين مثنيين لحقك وكفيلنا في بطنك رواتبنا المخصوم نصفها ورزقة أضعوفنا .ونقول الرجال في ديوانك حشم وزادك ممدود لأهل غزه جود وكرم .

نقعد لك في بيتك محنيين مثنيين وحقك بلسانك ، وبعالي الصوت أنقول :

ألينك من ساس العرف ومن أهل الخطوة ،وألين ديوانك يالنشمي عامر والشاذلي على جمر الغظا فاير،وبكارجك قعود وفناجيلك موظفين غزه عليها شهود ،لاتاكل نثرية ولا يطلع من لسانك هرج الدنية ،لا تدور غير الستره والستيره .واقول قولة جريح من خصومات الراتب يصيح واصبحنا بلا مسناد وصرنا غريبين بلاد ،وغدا البوق من الكبير على الصغير وظاقت بينا الحال ،لاأحنا ساريين مع الساريين ولا مباريين مع المباريين وما قدامنا غير الطور والبحر .

يالاقي خيرهرج واعتذار منا تسمعه معدود زي عد الدراهم اللي بنسمع فيها وما بنشوفها ،هرج له سنود وسنوده سنين الكرب والظلم اللي شفناها بعد ما صارت العرب عربين ،نشوف غيرنا تزرع وتحصد وتاكل من فوق أراظيها واحنا زي النمل ناكل البواقي ومن تحت الأرض.

واليوم تفتح بيتك وتشب نارك واللي يجعلها تاكل الظالمين واللي تأمروا على غزه وأهلها ،وتوسع أديارك وتمد فراشك ورجالك حواليك سنود وتقعد تقص حقك بلسانك .والرحمه ياطويل العمر مطلوبه ،انت الدوله راعيت الطوله .وسلامتك وسلامة الشيخ العود وسلامة ربعك . وتستاهلي ياغزة اللي يجيكي