راجع دفاترك يا الياس حنكش .. بقلم : جهاد البطش ،،،،

0
110

عنجد ومش ردة فعل على تصريحاته هالحنكش  .. الي جاي يزايد على الشعب الفلسطيني بدفاعه عن القدس : يعني يا سيد حنكش انت شو بتعرف عن القدس ؟ لولا تعليمات السيد الرئيس ابو مازن بعدم التصعيد لكان انا حكيتلك مسيرة ابائك بالحزب بالكتائب  تجاه شعبنا الي قلبنا بيوجعنا على شو والا شو نحكي ؟ ليه يا الياس هي القدس النا لوحدنا ؟ طيب احنا الفلسطينيين بندافع عن الكنيسة متل المسجد ..

بس انت وحزب ابوك وعمك وين كنتوا لما حرقوا كنيسة القيامة؟  والا احكي للعالم انو لما حاصروا كنيسة المهد 2002 كنت بفلوريدا اظن بتناضل علشان قتل اليهود لاولادنا والدم بيسيل تحت الصليب .. احنا مو ضيوف بايدينا ايها الحاقد ،، انسى شو علموك برومية المتنية من حقد عالفلسطينيين ومش هم الي قتلوا بشير وعين الرمانه ..

انا ادعوك كن عربيا وتعلم الوطنية من مسيحيي فلسطين ، وابعد عن افكار جيل الحقد والكراهية والا هما انفسهم ندموا شو عملوا بالفلسطينيين ..  ولا تتذكر وانت عمرك 5 سنين عام 1982 وهو بيشربوا كاس النصر على دماء اهلنا بالمخيمات ،، والله احنا بنحب لبنان ومواقف شعبنا لا تنتهي بهيك ..

هذا شعب مضطهد وان كان الك ضمير بمستقبلك السياسي لن نستجديك بان تناصر هالمضطهدين بالمخيمات الي والله من عام 1948 ما حدا منهم نفسه يقعد عندك ابدا ، وبكل صباح بينظروا للجنوب عل طائر الفينيق ينقلهم الى العباسية او حيفا او ام الرشراش .. قانون العمل ظلم بأدنى مقاييس الحق ولقمة العيش .. راجع موقفك يا الياس حنكش